لا تجيني .. دام وصلك هو غيابك ..
ولا تلين .. دام عطفك هو عذابك ..
.
أمنتك اللـــه .. لا بغيت تريحني ..
اكرهنــــــــــــي..
وعلمني أكرهــــــــــك ..
علمني أشبهك ..
في ( خداعك )..في قسا قلبك وجورك ..
في عذابك..في غيابك..في حضورك..
في جروحك,, في غرورك..
امنعني أبكي في لحظة غيابك..
انزعني صفحه من داخل كتابك..
شققها..ضيعها..
اتأمل كل القصايد..واحضنها وودعها..
وانثرها في مهب الريح ياخذها معاه..
وينثر أحزان القصيد..في طريقه وفي سماه ..
وتثور هالريح بهواها..وتمطر أحزاني معاها..
بالعافيه.. يا أغلى حبيب..
ارتوي بحزني الكبير ..
واشبع من دمعي ياللي .. قد ظلمتني كثير..
وابكي عالفرقا وقول..إنه بعدي ذا المصير .
.
ولا بكيت..ابني بدموعك بحور..
خلي أحزانك تثور..
واصرخ..هالحـــب { جــــــــور }..
واكرهني..
لأجل ألاقي عذر يبرر موقفي يوم اكرهك..
ولأجل أقوى إني أدمر كل شعورك وأخسرك..
آه يا أعذب حروفي..
شفت كل هذا التعب في حالتي..
حتى التعب واصل مداه لبكوتي ولضحكتي..
ما تصورت الحزن يسلب عيوني فرحتي..
وما تصورت الألم يظهر في صوتي وصرختي..
همي أصبح لي ثياب.. والحزن أصبح كسوتي..
يا أرض وأوطان الألم.. يا موطني ويا غربتي..
ياللي بكيتك ما بكيتي مثل حرقة دمعتي..
وما قد في مره هويتي تعيشي الألم في نظرتي..
ياللي إحساسك يضيع.. عيشي مره بموقفي..
وشلون تبقي لي عدو .. وقلبك في صفي ومنصفي ؟!!
إن كنت لي نور وضوى.. قول لشمعك ينطفي..
وقولي لحبك يختفي..
وريحنـــي..
واكرهنـــــــــــــــي..
وعلمنـــــــــــــــــــــي أكرهـــــــك..!
